Nis fushata kombëtare “Ndiq rrugën e verës”

Ministri i turizmit i Bullgarisë, Mirosllav Borshosh, prezantoi në Agjencinë Telegrafike Bullgare (BTA) fillimin e fushatës kombëtare “Ndiq rrugën e verës” (Wine leads the way), që synon të promovojë turizmin e verës në Bullgari. Kjo nismë vjen në prag të edicionit të nëntë të Konferencës Globale për Turizmin e Verës, që do të mbahet në Plovdiv, në muajin tetor. “Ky lloj turizmi deri tani zhvillohej në mënyrë të pavarur, pa mbështetje reale dhe të dukshme nga shteti — gjë që ne duam ta ndryshojmë”, u shpreh ministri Borshosh. Ai theksoi gjithashtu se prodhimi bullgar i verës është në një nivel jashtëzakonisht të mirë.

Nga ana tjetër, Petja Minkova nga Organizata Bullgare për Turizmin e Verës tha: “Ne jemi krenarë për organizimin e kësaj konference. Qëllimi është të bashkohemi dhe të paraqesim një strategji për zhvillimin e industrisë së verës.”

Aktualisht, në Bullgari janë të regjistruara 354 kantina vere, prej të cilave rreth 170 janë aktive dhe prezantohen në mënyrë të vazhdueshme.

Lexoni më shumë për traditat e lidhura me verën në Bullgari në arkivin tonë: