FMN rekomandon rritje të kontributeve dhe taksave mbi pronën nga viti 2026

Fondi Monetar Ndërkombëtar (FMN) rekomandoi që nga viti 2026 në Bullgari të rriten kontributet shoqërore dhe taksat mbi pronën. Kjo u bë e ditur gjatë një seance dëgjimore në Komisionin e Buxhetit të Kuvendit Popullor me përfaqësuesit e misionit të rregullt të FMN-së. FMN gjithashtu këshillon vendosjen e sistemit të multifondeve dhe heqjen e kufirit maksimal të kontributeve të sigurimeve shoqërore. Sipas kreut të misionit të FMN-së, Fabian Bornhorst, ekonomia bullgare aktualisht po funksionon mbi potencialin e saj, çka kërkon masa për stabilitet fiskal. Ai rekomandoi që në vitin 2026 të ulën shpenzimet publike me 1% të PBB-së dhe të rriten kontributet me 1%. Bornhorst theksoi gjithashtu se përfitimet sociale duhet të jenë të targetuara.

Sipas FMN shpenzimet buxhetore duhet të zhvendosen nga rritja e pagave në sektorin publik drejt investimeve. Duhet të kufizohet rritja e pagave në sektorin shtetëror dhe të shkëputen disa pagesa sociale nga paga minimale dhe rritja e saj automatike. Të përmirësohet mbledhja e akcizave dhe të rriten taksat mbi pasuritë e paluajtshme. FMN i sheh këto masa si mënyra për të siguruar qëndrueshmëri fiskale afatgjatë dhe përdorim më efikas të burimeve publike.