Shuma nga Plani i Rimëkëmbjes varet nga përmbushja e një kushti të lidhur me Komisionin për Luftën kundër Korrupsionit

Komisioni Evropian do të shpallë pas një muaji shumën që do t’i jepet Bullgarisë nga Plani për Rimëkëmbje dhe Qëndrueshmëri, por pagesa mund të shtyhet nëse nuk përmbushen kushtet e nevojshme, njoftoi një zëdhënës i institucionit gjatë një konference për shtyp, cituar nga BTA. “Ne i kemi dërguar një letër Bullgarisë për shumën përkatëse, e cila nuk do të disbursohet nëse kushti (i lidhur me Komisionin për Luftën kundër Korrupsionit – shën. red.) nuk përmbushet. Ka një afat prej një muaji për përgjigje, dhe më pas, nëse vlerësojmë se kushti nuk është përmbushur, pagesa do të shtyhet për edhe gjashtë muaj”, deklaroi zëdhënësi.

I pyetur për letrën drejtuar Komisionit Evropian nga grupi “Rinovo Evropën” në Parlamentin Evropian, ku lidhej çështja penale ndaj kryetarit të bashkisë së Varnës, Bllagomir Kocev, i akuzuar për pjesëmarrje në grup të strukturuar kriminal për marrje ryshfeti në prokurime publikë, me vlerësimin për dhënien e fondeve nga Plani i Rimëkëmbjes, zëdhënësi Maçej Berestecki u përgjigj: “Këto dy çështje nuk kanë asnjë lidhje mes tyre.”