Përralla nga Korten në Bullgari dhe Moldavi “ringjallen” në Sofje

Përmbledhja “Përralla folklorike kortenase nga Bullgaria dhe Moldavia” do të prezantohet më 30 tetor 2025, në Qendrën Kulturore Bullgare, në Sofje. Libri është botuar nga Universiteti Shtetëror i Taraklisë “Grigorij Camblak”. Në kuadër të ngjarjes, e cila i kushtohet Ditës së Bullgarëve të Besarabisë (29 tetor), përrallat do të marrin jetë përmes leximeve dhe tregimeve të drejtpërdrejta ngaShoqata Bullgare e Tregimtarëve, njofton Agjencia Ekzekutive për Bullgarët Jashtë Vendit.

Fshati Korten, në rajonin e Taraklisë, është një nga vendbanimet më të vjetra bullgare në Moldavinë Jugore, njofton BTA. Historia e fshatit daton që nga viti 1829, kur pas një tjetër lufte ruso-turke, një pjesë e banorëve të Bullgarisë e lanë atdheun e tyre. Ndër kolonët e atëhershëm kishte edhe banorë nga fshati bullgar Korten. Sot në fshat jetojnë rreth 2 000 banorë, shumica prej të cilëve janë bullgarë etnikë që ruajnë gjuhën, traditat dhe kulturën e paraardhësve të tyre.