“Lukoil Bullgaria”: Nuk është e vërtetë që kompania po ndërpret aktivitetet e saj

“Të gjitha pikat në rrjetin e shitjes me pakicë të Lukoil funksionojnë dhe do të vazhdojnë të funksionojnë në gjendje normale.” Kjo thuhet në një njoftim për shtyp nga kompania në lidhje me informacionin e shpërndarë në disa media për ndërprerjen e afërt të aktiviteteve të rrjetit të saj të stacioneve të benzinës.

“Lukoil Bullgaria” siguron se nuk ka arsye për pezullimin e operacioneve dhe se stacionet e benzinës janë të furnizuara plotësisht me karburant.

“Informacionet e përhapura në lidhje me pezullimin e operacioneve janë të rreme, spekulative dhe mashtruese”, deklaroi gjithashtu kompania.