Bullgaria dhe Kina diskutojnë bashkëpunimin në sektorin e automobilave

Një forum biznesi me temë "Bullgaria - Kina: bashkëpunimi në sektorin e automobilave" do të mbahet më 26 nëntor në Sofje. Organizatorët e tij janë Dhoma Bullgare e Tregtisë dhe Industrisë dhe Ambasada e Republikës Popullore të Kinës në vendin tonë.

 

Delegacioni kinez përfshin përfaqësues të Shoqatës së Tregtarëve Kinezë të Automobilave dhe kompanive kryesore në këtë sektor. Tregtarët e makinave (të reja dhe të përdorura) luajnë një rol kyç në tregun kinez të automobilave, i cili është një nga më të mëdhenjtë në botë.

 

Kina është një partner i rëndësishëm tregtar i Bullgarisë në Azi, duke zënë një pozicion kryesor si në eksportet ashtu edhe në importet drejt dhe nga tregjet e vendeve të treta, vë në dukje Dhoma Bullgare e Tregtisë dhe Industrisë.

 

 

Redaktoi: Miglena Ivanova

Përgatiti në shqip: Vesella Mançeva

Foto: BTA