Hristijan Mickoski për incidentin me bullgarin maqedonas të sulmuar

Kryeministri i Maqedonisë së Veriut Hristijan Mickoski akuzoi gazetarin bullgar maqedonas të sulmuar Vlladimir Perev për inskenim dhe vetëlëndim, raportoi BGNES.

Më 21 nëntor, në një dyqan në qendër të Shkupit, Perev u sulmua para dëshmitarëve dhe u ofendua për materialet e tij autoriale në mbrojtje të bullgarëve maqedonas. Sulmi u regjistrua në polici.

• Gjuha e urrejtjes në Shkup çoi në sulm ndaj gazetarit Vllado Perev

"Dikush mund të laget në shi jashtë dhe kjo mund të paraqitet si një sulm hibrid nga qeveria që kërcënon procesin e integrimit (në BE). Nëse dikush vendos të vetëlëndohet dhe kjo paraqitet si një sulm, hibrid apo nuk e di çfarë, kjo është një pyetje tjetër", tha ai në përgjigje të pyetjes së një gazetari në Shkup, se si do ta komentonte sulmin.

Pas deklaratës së Mickoskit në faqen e internetit tribuna.mk, figura publike Ivon Veliçkovski pyeti: "Mbi çfarë baze Kryeministri "pohon absolutisht" se ka pasur ose jo një sulm ndaj një gazetari, një qytetari të Maqedonisë së Veriut, përpara se Ministria e Brendshme ta njoftonte atë? .... Tani, pas deklaratës së Mickoskit, papritmas u bë e parëndësishme se çfarë do të përcaktonte dhe njoftonte Ministria e Brendshme."

 

Redaktoi: Ivo Ivanov

Përgatiti në shqip: Vesella Mançeva