Ministri i jashtëm zhvilloi bisedime me ambasadorët e vendeve të BE-së në Sofje

Ministri i jashtëm Georg Georgiev u takua me ambasadorët e shteteve anëtare të BE-së në Sofje. Në ambasadën e Danimarkës, e cila mban kryesinë e rrotaionit të Këshillit të BE-së, ministri Georgiev vuri theks të veçantë mbi mbështetjen për Ukrainën, politikën e zgjerimit të BE-së dhe sigurinë në rajonin e Detit të Zi. U vu në dukje se uniteti i BE-së është me rëndësi të dorës së parë për një marrëveshje të ardhshme paqësore në Ukrainë.

Georg Georgiev theksoi se zgjerimi i BE-së mbetet një prioritet kryesor për Bullgarinë dhe përgëzoi Malin e Zi, Shqipërinë, Ukrainën dhe Moldavinë për përparimin, përpjekjet dhe reformat e ndërmarra. Ai nënvizoi nevojën që të gjitha vendet kandidate të përmbushin angazhimet e marra ndaj BE-së dhe rëndësinë e ruajtjes së unitetit në marrjen e vendimeve në fushën e politikës së përbashkët të jashtme dhe të sigurisë, si edhe në politikën e zgjerimit.

Redaktoi: Ivo Ivanov

Përgatiti në shqip: Svetllana Dimitrova

Foto: MPJ