Parashikimi i motit për 2 dhjetorin 2025

Të martën, temperaturat minimale do të jenë nga 1°C deri në 4°C, ndërsa në Sofje do të jetë rreth 0°C. Gjatë ditës mbi vend do të ketë re të shpërndara të mesme dhe të larta. Para mesditës, në disa ultësira dhe pranë pellgjeve do të ketë mjegull. Do të jetë pothuajse i qetë, ndërsa në rajonet lindore do të fryjë një erë e dobët nga lindja-juglindja. Temperaturat maksimale do të jenë nga 7°C deri në 12°C, ndërsa në kryeqytet do të arrijnë rreth 8°C.

Përgjatë bregdetit të Detit të Zi do të ketë re të shpërndara pa reshje. Temperaturat maksimale të ajrit do të jenë nga 11°C deri në 14°C. Temperatura e ujit të detit do të jetë nga 13°C deri në 16°C. Valëzimi i detit do të arrijë deri në 2 ballë.

Në male gjithashtu do të ketë re të shpërndara të mesme dhe të larta. Era nga verilindja do të ndryshojë drejt jugperëndimit dhe do të jetë e dobët deri mesatare. Temperatura maksimale në lartësi 1200 m do të jetë rreth 6°C, ndërsa në 2000 m rreth 0°C.

Të mërkurën do të mbizotërojë mot me re, ndërsa pasdite në disa zona të Bullgarisë Perëndimore do të ketë reshje të dobëta shiu. Temperaturat e mëngjesit do të jenë 2–3°C më të larta, ndërsa ato gjatë ditës do të mbeten të pandryshuara.

Redaktoi: Ivo Ivanov

Përgatiti në shqip: Svetllana Dimitrova