Sofja përtej klisheve – u paraqit harta e arkitekturës së pasluftës

20 ndërtesa karakteristike nga periudha socialiste dhe postsocialiste të kryeqytetit bullgar janë paraqitur në hartën e parë turistike të arkitekturës së pasluftës në Sofje. Botimi dokumenton periudhën historike pas viteve ’40 të shekullit të kaluar dhe zbulon shtresat më pak të njohura urbane dhe transformimet gjatë shekullit XX, bëhet e qartë nga reportazhi i Milla Mlladenova nga programi "Horizont" i BNR. Harta është botim dygjuhësh në gjuhën bullgare dhe angleze. Është krijuar nga “Turizëm” – Visit Sofia dhe Fondacioni “Trashëgimia e re arkitekturore”.

Autorët e saj kanë shmangur atraksionet e stërpërdorura në kërkim të shtresave pas fasadave – nga piramida e kthyer e Radios Kombëtare Bullgare deri te komplekset moderniste administrative, që shpesh mbeten jashtë itinerareve të zakonshme.

“Kjo hartë është një miks, pikë ndërprerjeje mes trashëgimisë kulturore, turizmit kulturor dhe zbulimit të qytetit”, thotë arkitektja Aneta Vasileva, pedagoge e Historisë së arkitekturës në Universitetin e Arkitekturës, Ndërtimit dhe Gjeodezisë. Dhe shton se pikërisht shumë­shtresimi i Sofjes është burimi i saj më i çmuar.

Dy itineraret me ngjyra – blu dhe portokalli – nisen nga NDK dhe Interpred dhe nxisin si shëtitjet në këmbë, ashtu edhe lëvizjen me transport publik, duke i çuar vizitorët edhe jashtë pjesës qendrore të qytetit.

Përpiloi: Veneta Nikollova

Përgatiti në shqip: Sindi Nikollofski