Bullgari Nikollaj Mlladenov do të drejtojë udhëheqjen e re të Gazës

Diplomati bullgar Nikollaj Mlladenov do të drejtojë një “komision ekzekutiv” për Rripin e Gazës, i cili do të ketë rol koordinues mes të ashtuquajturit Këshill i Paqes – i rënë dakord si pjesë e planit të paqes së Donald Trump – dhe administratës së përkohshme teknokrate palestineze. Këtë e raporton “Financial Times”, duke iu referuar dy burimeve të mirëinformuara për përgatitjen e fazës së ardhshme të planit të paqes. Botimi kujton se ish-ministri i jashtëm dhe ish-ministër i mbrojtjes së Bullgarisë, Nikollaj Mlladenov, ishte i dërguar i posaçëm i OKB-së për Lindjen e Mesme nga viti 2015 deri në vitin 2020, dhe gjatë asaj kohe ka qenë në fakt ndërmjetës mes izraelitëve dhe palestinezëve.
“Financial Times” thekson se fillimisht në planet për administrimin parashikohej ish-kryeministri britanik Tony Blair, por ai u hoq pas kundërshtimit të shteteve arabe të përfshira në proces.

Redaktoi: Miglena Ivanova

Përgatiti në shqip: Svetllana Dimitrova