Nënkom. Ljubomir Nikollov për protestat e sotme

Një operacion policor i kryer në dhjetë shtëpi financiare identifikoi 34 punonjës me sjellje kriminale nga një total prej 43 punonjësve të tjerë të kontrolluar, njoftoi Nënkom. Ljubomir Nikollov, drejtor i Drejtorisë së Punëve të Brendshme të Kryeqytetit.

"Ne morëm informacione operative edhe para protestës së 1 dhjetorit se njerëzit që janë klientë të shtëpive të tilla po rekrutohen, dhe për shkak të borxhit të tyre, ata bëhen pre e lehtë për ata që i rekrutojnë në këmbim të një përfitimi të vogël financiar ose faljes së shumave të papaguara për të kryer veprime që i detyrojnë të bëjnë", tha drejtori i Drejtorisë së Punëve të Brendshme të Sofjes.

Sipas Nënkom. Ljubomir Nikollov, shtëpitë financiare të përzgjedhura gjenerojnë krim, pasi shumica e klientëve janë të varur nga droga ose kumari. "Me borxhin e tyre, ata bëhen të varur", theksoi ai.

Nënkom. Ljubomir Nikollov tha gjithashtu se janë identifikuar njerëzit që do të organizojnë grupe për protestën e sotme antiqeveritare. Ai shtoi se askush nuk është ndaluar sepse aktiviteti që ata po kryejnë nuk përbën krim të natyrës së përgjithshme.

 

Redaktoi: Diana Cankova

Përgatiti në shqip: Vesella Mançeva