Market Links: Protestat janë një konsolidim publik i paparë

Protestat po çojnë në një konsolidim publik të paparë, publiku e di saktësisht për çfarë po proteston - kundër sistemit, kundër Bojko Borisovit dhe Deljan Peevskit, kundër këtij modeli qeverisjeje dhe kundër buxhetit. Ky është përfundimi i një studimi të Market Links mbi pakënaqësinë masive të demonstruar në të gjithë vendin. Agjencia sociologjike thekson se vërehet një bashkim jashtëzakonisht i rrallë i shoqërisë. 

Sipas 82% të të anketuarve, protestat janë kundër modelit të qeverisjes. Nëse zgjedhjet do të mbaheshin sot, GERB-SDS do të kishte fituar 17% të votave, "Po e Vazhdojmë Ndryshimin - Bullgaria Demokratike" - 14.7%, "Vëzrazhdane" - 9.3%, "DPS-Fillimi i Ri" - 9.1% dhe MEÇ - 5.3%. Dy parti nga koalicioni qeverisës do të kishin mbetur jashtë parlamentit – Partia Socialiste Bullgare (BSP) dhe "Ka një Popull të Tillë" (ITN). 

 “Modeli ‘Borisov – Pevski’, fakti i qartë se sistemi gjyqësor nuk funksionon, arrestimet politike, përqendrimi i tepruar i pushtetit i disa organeve shtetërore dhe reverancat ndaj tyre, softueri i ri për biznesin i destinuar për të shtypur punonjësit – e gjitha kjo konsiderohet si vijë ndarëse mes pushtetit dhe njerëzve, raporton gjithashtu ‘Market Links’, informon BGNES.” 

 

Redaktoi: Diana Cankova

Përgatiti në shqip: Vesella Mançeva