Rumen Radev na bëri thirrje të kujtojmë mësimet e së kaluarës

Festa e Dritës – Hanuka – u hap duke ndezur qirinj në Sinagogën Qendrore të Sofjes. Presidenti Rumen Radev ndezi të parin prej tyre në shandanin ritual, raportoi gazetarja e BNR-së Cvetelina Stojanova. 

“Në kohën e sotme të sfidave në rritje, pogromeve dhe vrasjeve me bazë etnike, siç ndodhi në Australi – një kohë kur zëri i humanizmit dhe arsyes mbytet gjithnjë e më shumë nga urrejtja dhe zhurma e armëve, mesazhi i Hanuka tingëllon edhe më i fortë. Është gjithashtu një mesazh i fortë paqeje, një mesazh mirëkuptimi, një mesazh tolerance”, tha kreu i shtetit. Ai shtoi se thirrja e tij është të kujtojmë mësimet e së kaluarës dhe të qëndrojmë krah për krah për paqen, humanizmin dhe tolerancën, në mënyrë që të ruajmë mençurinë e paraardhësve tanë dhe t'ua kalojmë atë atyre pas nesh. 

Në ceremoni, komuniteti hebraik dhe të ftuarit zyrtarë nderuan kujtimin e viktimave të sulmit terrorist në Sidnej. 

Redaktoi: Diana Cankova

Përgatiti në shqip: Vesella Mançeva