Rumen Radev refuzon të njoftojë nëse do të hyjë në politikë

Presidenti Rumen Radev refuzoi të japë një përgjigje përfundimtare për pyetjen nëse do të marrë pjesë në zgjedhjet e parakohshme të ardhshme me një projekt të tij politik. 

Gjatë konsultimeve me “Po e Vazhdojmë Ndryshimin – Bullgaria Demokratike (PP-DB) mbi formimin e një kabineti të ri të mundshëm pas dorëheqjes së atij aktual të Rosen Zheljazkov, i pyetur nga kreu i "Demokratëve për Bullgarinë e Fortë", Atanas Atanasov, për të ardhmen e tij politike, kreu i shtetit deklaroi: "Ne jemi këtu për konsultime pas rënies së qeverisë dhe nuk jemi mbledhur për të folur për një parti hipotetike timen". "Unë jam këtu në cilësinë e presidentit", theksoi Rumen Radev. 

Sa i përket qëllimit të konsultimeve, kreu i "Po e Vazhdojmë Ndryshimin", Asen Vasilev, deklaroi se një qeveri e re në Asamblenë Kombëtare aktuale është e pamundur dhe shumë e padëshirueshme, pasi qytetarët kanë protestuar kundër modelit të qeverisjes të mishëruar nga Bojko Borisov dhe Deljan Peevski, dhe ai duhet të shpërbëhet. 

Miratimi i buxhetit të zgjeruar deri në fund të vitit, futja e votimit tërësisht me makina në zgjedhje, si dhe heqja e mbrojtjes për kreun e “DPS-Fillimi i Ri”, Deljan Peevski, janë qëllimet e PP-DB në këtë parlament, deklaroi bashkëkryetari i “Po, Bullgaria” Bozhidar Bozhanov.