Parashikimi i motit për 18 dhjetorin 2025

Të enjten, temperaturat minimale do të jenë nga minus 2 deri në 3°C, ndërsa në Sofje rreth minus 1°C. Deri në mesditë, në shumë zona të fushave dhe ultësirave do të mbetet ende mjegull ose vranësira të ulëta shtresore. Pasdite do të fryjë një erë e lehtë perëndimore, dukshmëria do të përmirësohet shpejt dhe mbi vend do të mbajë mot kryesisht me diell. Temperaturat maksimale do të jenë nga 10 deri në 15°C, në kryeqytet rreth 11°C.

Në bregdetin e Detit të Zi moti do të jetë kryesisht me diell. Në mëngjes, në disa rajone do të ketë dukshmëri të reduktuar. Do të fryjë një erë e lehtë nga perëndimi. Temperaturat maksimale të ajrit do të jenë nga 12 deri në 13°C, sa është edhe temperatura e ujit të detit. Dallgëzimi i detit do të jetë 1–2 ballë.

Në malet do të mbajë kryesisht mot me diell, me vranësira të larta të shpërndara. Do të fryjë erë mesatare nga perëndimi. Temperatura maksimale në lartësi 1200 m do të jetë rreth 10°C, ndërsa në 2000 m rreth 2°C.

Të premten era do të dobësohet dhe në shumë zona do të pushojë. Vetëm në disa lugina dhe ultësira do të ketë mjegull ose vranësira të ulëta. Moti do të jetë kryesisht me diell, me vranësira të larta të shpërndara, dhe temperaturat ditore do të luhaten nga 9 deri në 14°C. Temperaturat minimale do të jenë nga minus 1 deri në 4°C.

Redaktoi: Ivo Ivanov

Përgatiti në shqip: Svetllana Dimitrova