Parashikimi i motit për 19 dhjetorin 2025

Të premten, temperaturat minimale do të jenë nga minus 4 deri në 1°C, ndërsa përgjatë bregdetit të Detit të Zi do të jenë pak më të larta, deri në 2°C. Në Sofje, temperatura do të jetë rreth minus 2°C. Gjatë pjesës më të madhe të ditës, në ultësira dhe lugina do të mbizotërojë mot me vranësira dhe mjegull, ndërsa mbi zonat malore do të jetë kryesisht me diell. Nga fundi i ditës pritet të shfaqet dhe të forcohet era nga verilindja. Temperaturat maksimale do të jenë nga 8 deri në 13°C, ndërsa në kryeqytet rreth 9°C.

Përgjatë bregdetit të Detit të Zi do të ketë vranësira të ndryshueshme. Në mëngjes, në disa zona do të ketë dukshmëri të reduktuar. Temperaturat maksimale të ajrit do të jenë 11–12°C, ndërsa temperatura e ujit të detit 11–13°C. Deti do të jetë me dallgëzim 1–2 ballë.

Në male do të mbizotërojë mot kryesisht me diell me vranësira të larta të shpërndara. Do të fryjë erë e lehtë nga veriu. Temperatura maksimale në një lartësi mbidetare prej 1200 m do të jetë rreth 10°C, ndërsa në 2000 m rreth 3°C.

Të shtunën, sërish në shumë rajone do të ketë mjegull dhe vranësira të ulëta. Në orët e pasdites, nga juglindja vranësirat do të shtohen dhe deri në mbrëmje në zonat më juglindore do të fillojë të bjerë shi. Temperaturat minimale do të jenë kryesisht ndërmjet 0 dhe 5°C, në lugina edhe nën zero, ndërsa temperaturat e ditës do të fillojnë gradualisht të ulen dhe do të jenë kryesisht ndërmjet 5 dhe 10°C.

Redaktoi: Ivo Ivanov

Përgatiti në shqip: Svetllana Dimitrova