Këshilli Fiskal kritikoi indeksimin e të ardhurave përmes buxhetit zgjatues

Përfshirja e politikave sociale në të ashtuquajturin buxhet zgjatues, siç është indeksimi i të ardhurave të të punësuarve në sektorin buxhetor me madhësinë e inflacionit vjetor, komprometon parimet e legjislacionit buxhetor dhe krijon një precedent të rrezikshëm në politikën buxhetore të vendit. Kështu komentoi Këshilli Fiskal vendimin e parlamentit që me zgjatjen e veprimit të Buxhetit 2025 edhe gjatë vitit 2026, deri në miratimin e një buxheti të ri, të kryhet një indeksim i vetëm i pagave. Sipas këshillit, buxheti zgjatues duhet të jetë një masë e përkohshme me fushë të kufizuar, që garanton vetëm pandërprerjen e pagesave shtetërore deri në miratimin e buxhetit të rregullt. Ndryshe nga buxhetet e mëparshme zgjatuese, të cilat respektonin rreptësisht strukturën e vitit të kaluar, ky i tanishmi del jashtë këtyre kornizave. Përmes tij kalohen ndryshime të rëndësishme në pjesën e shpenzimeve, të cilat nuk janë të përshtatura me qëndrueshmërinë fiskale afatgjatë dhe anashkalojnë debatin normal mbi politikën buxhetore, thekson Këshilli.  

Këshilli Fiskal është një organ i pavarur këshillues për çështjet e menaxhimit fiskal.

 

 

Redaktoi: Miglena Ivanova

Përgatiti në shqip: Vesella Mançeva