Zhytësit në Burgas organizojnë zhytje festive për Krishtlindje

Tradicionalisht, në prag të festës së ndritshme të krishterë - Krishtlindjeve, Shoqata "Miqtë e Detit - Burgas" organizon një zhytje Krishtlindjesh nga platforma Mostika në qytetin e Burgasit në Detin e Zi. Fillimi i saj është planifikuar për në orën 11:30 të mëngjesit më 24 dhjetor 2025. Pritet që përveç banorëve të Burgasit, në këtë ngjarje të marrin pjesë edhe mysafirë nga vendi. 

Këtë herë Zhytja e Krishtlindjes do të ketë një shije retro. Zhytësit do të prezantojnë një sistem interesant retro për zhytje – cikël i mbyllur. Tek ai, me mjete kimike nga ajri i nxjerrë thithet dioksidi i karbonit dhe, pasi pasurohet me oksigjen, ai thithet sërish. 

Si zakonisht, pas zhytjes zhytësit do të kërkojnë një enë të mbushur me florinj dhe do të hapin shampanjë nën ujë. Pema e Krishtlindjes është pjesë e pandashme e ngjarjes.

Redaktoi: Miglena Ivanova

Përgatiti në shqip: Vesella Mançeva