Kafshët nga Kopshti Zoologjik i Burgasit morën dhurata nga Babagjyshi

Babagjyshi i surprizoi banorët e Kopshtit Zoologjik të Burgasit me dhurata. Ai mbërriti me një sajë për t'u sjellë atyre ëmbëlsira, surpriza dhe shumë gëzim, raportoi Televizioni Kombëtar Bullgar (BNT). 

Çdo vit, plaku i mirë viziton 600 kafshët dhe sot ai nuk e theu traditën pavarësisht motit me shi dhe erës së fortë. Përveç "mikpritësve", pati surpriza edhe për vizitorët më të vegjël të kopshtit zoologjik. Fëmijët që bënë fotografi me Babagjyshin morën një dhuratë dhe ëmbëlsira. 

Të gjithë ata që ishin të sjellshëm gjatë vitit shijuan dhuratat e tyre. "Ka disa për grabitqarët, ka disa për majmunët, ka disa për barngrënësit", bëri të ditur kopshti zoologjik. Të parët që morën ëmbëlsirat e tyre të preferuara në një pako Krishtlindjesh ishin majmunët e llojit "Tamarin Luani".

 

 

Redaktoi: Diana Cankova

Përgatiti në shqip: Vesella Mançeva