Parashikimi i motit për 6 janarin

Të martën vranësirat do të mbeten të konsiderueshme. Në disa zona, kryesisht në Fushën e Danubit dhe në rajonin Rilla‑Rodope, do të ketë reshje shiu. Era në pjesën lindore të vendit dhe në veri të maleve do të jetë mesatare dhe përkohësisht e fortë nga jugu‑jugperëndimi – temperaturat do të mbeten të larta, me vlera maksimale ndërmjet 14°‑19°. Në pjesën më të madhe të Fushës së Danubit do të fryjë erë e dobët veriperëndimore dhe dukshmëria përkohësisht do të përmirësohet. Aty temperaturat nuk do të kenë ndryshim të ndjeshëm gjatë ditës dhe maksimalet do të jenë ndërmjet 2° dhe 7°. Në Sofje temperatura maksimale do të jetë rreth 15°. Temperaturat minimale do të jenë në një interval të gjerë – nga 0° në zonat veriperëndimore deri në 12° në juglindje, në Sofje – rreth 5°. 

Në male moti do të jetë kryesisht i vranët. Në disa vende do të ketë reshje bore, ndërsa nën 1800 m – reshje shiu. Do të vazhdojë të fryjë erë e fortë dhe e ashpër jugperëndimore. Temperatura maksimale në lartësi 1200 m do të jetë rreth 9°, ndërsa në 2000 m – rreth 3°. 

Në bregdetin e Detit të Zi vranësirat do të jenë të konsiderueshme. Do të fryjë erë mesatare, përkohësisht e fortë dhe me shpërthime nga jugu‑jugperëndimi. Temperaturat maksimale do të jenë ndërmjet 15° dhe 18°, ndërsa temperatura e ujit të detit – 9°‑11°. Dallgëzimi i detit do të jetë rreth 3 ballë.

 

Redaktoi: Diana Cankova

Përgatiti në shqip: Vesella Mançeva