Ministria e Punëve të Jashtme paralajmëron udhëtarët në Shqipëri

Nga Ministria e Punëve të Jashtme paralajmërojnë qytetarët bullgarë se, pas reshjeve intensive të shiut në Shqipëri, situata meteorologjike është e ndërlikuar. Më të prekura janë pjesët veriore të vendit dhe zona e Durrësit. Janë aktivizuar rrëshqitje dheu, shembje dhe ka rrugë të përmbytura; në shumë vende qarkullimi është i vështirësuar ose përkohësisht i ndërprerë. Po punohet për rivendosjen e kalueshmërisë.

Sipas parashikimeve, në ditët në vijim pritet të vazhdojë moti i paqëndrueshëm me reshje, erë të fortë dhe rrezik të shtuar për përmbytje lokale, rrëshqitje dheu dhe reshje bore në zonat malore. Ministria e Punëve të Jashtme u rekomandon qytetarëve bullgarë që udhëtojnë ose qëndrojnë në Shqipëri të informohen paraprakisht për situatën aktuale, duke ndjekur njoftimet e autoriteteve vendore dhe parashikimet zyrtare të Shërbimit Kombëtar Meteorologjik në meteoalb.com.

Drejtuesit e mjeteve të tregojnë kujdes të shtuar – janë të mundshme segmente rrugore të rrëshqitshme, rrëshqitje të automjeteve dhe ngrica në zonat më të larta, theksojnë gjithashtu nga ministria.

Redaktoi: Ivo Ivanov

Përgatiti në shqip: Svetllana Dimitrova