Në SHBA rekomandojnë Bullgarinë si një vend të sigurt për turizëm

Sipas vlerësimit të Departamentit të Shtetit të SHBA‑së, Bullgaria është ndër destinacionet më të sigurta turistike në Evropë në Nivelin 1 (“Respektoni masat e zakonshme të kujdesit”). Ajo renditet krah vendeve të tjera të Evropës Lindore me rrezik të ulët, pa kërcënime serioze terroriste, gjë që e bën një alternativë tërheqëse ndaj destinacioneve më të ngarkuara dhe më të rrezikshme të Evropës Perëndimore. Bullgaria dallohet për trashëgiminë e saj të pasur kulturore dhe historike, përfshirë monumentet arkitekturore trake, me shqetësime dukshëm më të vogla për sigurinë.

Ndërsa turistët amerikanë planifikojnë udhëtimet e tyre evropiane për vitin 2026, paralajmërimet e udhëtimit të Departamentit të Shtetit të SHBA‑së ofrojnë informacion kyç për rreziqet e mundshme, transmeton BGNES.

Këto paralajmërime përditësohen rregullisht bazuar në faktorë si terrorizmi, kriminaliteti, trazirat civile dhe rreziqet shëndetësore, duke përdorur një sistem me katër nivele për t’i ndihmuar qytetarët të marrin vendime të informuara.

Interesante është se, kur shikohet harta e Evropës, shfaqet një model i qartë: shumë vende të Evropës Lindore gëzojnë vlerësimin më të ulët të rrezikut, ndërsa një sërë destinacionesh kryesore në Evropën Perëndimore janë subjekt i paralajmërimeve të shtuara, kryesisht për shkak të kërcënimeve të vazhdueshme terroriste, raporton EUalive.

Ju ofrojmë disa nga destinacionet më tërheqëse në Bullgari KËTU.

Redaktoi: Ivo Ivanov

Përgatiti në shqip: Vesella Mançeva

Foto: BGNES, eualive.net