Kushtet dimërore ngadalësojnë disa fluturime nga Aeroporti i Sofjes

Aeroporti “Vasill Levski” – Sofje funksionon normalisht në kushte dimri, njoftoi qendra e shtypit e aeroportit. Pistat pastrohen dhe trajtohen kundër grumbullimit të borës, ndërsa avionët i nënshtrohen trajtimit të nevojshëm kundër ngricës. 

Kjo është arsyeja pse disa fluturime vonohen rreth një orë gjatë nisjes. Që nga mëngjesi ka vonesa drejt Madridit, Liverpulit, Tel Avivit, Dortmundit, Londrës, Frankfurtit, Torinos, Ajdhovenit, Barit, Romës, Amsterdamit, Munihut, Varnës, Parisit dhe Berlinit. 

Udhëtarët mund të informohen për orarin e përditësuar të fluturimeve në faqen e aeroportit.

 

Redaktoi: Ivo Ivanov

Përgatiti në shqip: Vesella Mançeva