Traktorët e mbyllën përsëri pikën kryesore kufitare të Bullgarisë dhe Greqisë

Fermerët grekë që protestojnë në Serres bllokuan plotësisht pikën kryesore kufitare me Bullgarinë, Promahon - Kullata, njoftoi korrespondentja e BNR në Greqi, Katja Peeva. Bllokimi është për një periudhë të pacaktuar. Aktualisht lejohen të kalojnë makinat e pasagjerëve.Të gjitha pikat e tjera kufitare kërcënohen gjithashtu me një bllokim të zgjatur. 

Fermerët thonë se do ta vlerësojnë situatën në kufi në moment. Por ata synojnë që për herë të parë gjatë protestave të tyre të mos lejojnë makinat private dhe autobusët turistikë, së bashku me kamionët.

Disa nga organizatat më të mëdha të fermerëve kanë njoftuar se nuk do të marrin pjesë në negociatat e thirrura me kryeministrin Kyriakos Mitsotakis. Zëdhënësi i qeverisë njoftoi se autoritetet do të zbatojnë ligjin për lëvizjen e lirë dhe fermerët protestues do të arrestohen.

 

Redaktoi: Ivo Ivanov

Përgatiti në shqip: Vesella Mançeva