Një anije që mbante mbi 1,100 tonë plehra kimike u fundos në Danub

Një anije e ngarkuar me 1,133 tonë plehra kimike azotike u fundos plotësisht në lumin Danub pranë qytetit rumun Zimnicea, raportuan mediat rumune. Zimnicea ndodhet përballë qytetit bullgar Svishtov. Autoritetet aktualisht po vlerësojnë rrezikun e ndotjes në zonë duke marrë mostra uji. Kryetari i bashkisë së Zimnicea siguroi se trafiku dhe transporti në Danub nuk janë prekur, raportoi BTA.

Sipas informacionit të disponueshëm, anija mbërriti në qytetin rumun më 20 dhjetor dhe u dëmtua që atëherë. Javën e kaluar, anija filloi të mbushej me ujë. Anëtarët e ekuipazhit paralajmëruan se ekzistonte rreziku i fundosjes. Autoritetet kanë kontaktuar ekuipazhin e barkës dhe kompaninë rumune që zotëron anijen me një kërkesë për të pastruar zonën dhe për të eliminuar rrezikun e ndotjes së Danubit.

 

Redaktoi: Miglena Ivanova

Përgatiti në shqip: Vesella Mançeva