Kartolinat tona të reja QSL: 90 vjet BNR dhe 90 vjet "Radio Bullgaria"

Të dashur miq,

Kemi kënaqësinë të njoftojmë se në vitin 2026 mund të merrni serinë prej 12 kartolinash QSL kushtuar 90-vjetorit të "Radio Bullgarisë" dhe Radios Kombëtare Bullgare, të përgatitura me ndihmën e Agjencisë Shtetërore "Arkivat".

Ato konfirmojnë të gjitha transmetimet e dëgjuara të "Radio Bullgarisë" dhe të gjitha sinjalet e përgjuara të Radios Kombëtare Bullgare (të programeve "Horizont", "Hristo Botev", programeve të radiostacioneve rajonale në Sofje, Bllagoevgrad, Burgas, Varna, Vidin, Kërdxhali, Plovdiv, Stara Zagora, Shumen).

Për të marrë një kartolinë, duhet të na dërgoni një raport në të cilin të tregoni datën dhe gjuhën (për "Radio Bullgarinë"), ose datën, orën dhe frekuencën e transmetimit të dëgjuar (për programet e tjera), si dhe detaje rreth përmbajtjes së tij. 

Mund t’i dërgoni raportet nëpërmjet kanalit të përshtatshëm për ju:

– me email: reception.report@bnr.bg

– me postë në adresën e mëposhtme: Bullgaria, Sofja, 1040, Bulevardi “Dragan Tsankov” 4, BNR, Desislava Semkovska

Është e detyrueshme të jepni një adresë postare për kontakt.

Ju kujtojmë se BNR konfirmon raportet e transmetimeve të dëgjuara edhe me seritë e vjetra të kartolinave QSL. Nëse dëshironi të merrni ndonjë prej tyre, ju lutemi ta tregoni këtë në raport.

 

• Kartolinat e reja QSL të Radios Kombëtare Bullgare prezantojnë bukurinë e Bullgarisë
  
• Kartolinat e reja QSL të BNR-së për vitin 2024 tashmë janë fakt!
  
• Kartolinat QSL të Radio Bullgarisë

Jemi në pritje të mesazheve tuaja!

 

Kartolina QSL Nr. 1 – Janari 2026

Transmetuesi i parë radiofonik në Aeroportin e Burgasit, i instaluar në vitin 1927.

Përpiloi: Desisllava Semkovska

Përgatiti në shqip: Vesella Mançeva