Po diskutohet krijimi i një partie të re bujqësorе

Përfaqësues të sektorit bujqësor theksojnë se ata nuk janë kundër tregtisë së lirë dhe se punojnë në kushte të tilla, tha për BNR Radostina Zhekova, kryetare e Unionit të Prodhuesve të Drithërave në Dobruxha. Ajo ndodhet në Strasburg dhe merr pjesë në protestën e madhe pan‑evropiane kundër marrëveshjes midis BE‑së dhe bllokut tregtar të Amerikës së Jugut, Mercosur.

Sipas saj, rreth 90% e misrit dhe sojës në vendet e Mercosurit janë të modifikuara gjenetikisht. Në Evropë përdorimi i sojës me përmbajtje OMGJ në ushqimin e kafshëve është i lejuar, por kultivimi i kulturave të tilla është i ndaluar.

Zhekova shton se nuk ka qartësi se si është marrë vendimi që Bullgaria të mbështesë këtë marrëveshje.

Ajo komenton edhe idenë për krijimin e një partie të ardhshme bujqësore, duke thënë se fermerët janë lodhur t’u shpjegojnë njerëzve jashtë sektorit se si funksionon bujqësia dhe çfarë nevojash ka ajo, prandaj po diskutohet mundësia për një parti të tillë.

 

Redaktoi: Ivo Ivanov

Përgatiti në shqip: Vesella Mançeva