Canko Cankov me tre medalje nga Kupa Botërore në notin dimëror në Gdynia

Canko Cankov fitoi medalje në të tre disiplinat në Kupën Botërore të notit dimëror në Gdynia (Poloni). Notuesi triumfoi së pari në garën 1000 metra në ujërat e ngrira (temperatura -0.3°) me kohën 12:56,92 minuta. Në ditën më të ftohtë në Poloni gjatë 15 viteve të fundit me temperaturë të ajrit -12°, kampioni fitoi edhe garën 450 metra me kohën 5:30.66 minuta, ndërsa në distancën 200 metra u rendit i dyti, duke fituar medaljen e argjendtë me kohën 2:22.03 minuta. Në këtë distancë, bullgari hasi vështirësi, pasi litarët sinjalizues, që ndodhen disa metra nën trupin e tij, u shkëputën për shkak të akullit, duke i bërë disa herë të humbte orientimin. Kështu, Cankov shtoi edhe dy medalje në triumfin e tij të 1000 metrave nga gara e së shtunës.

“Arrita të përfundoj notin më të vështirë në jetën time. Jam shumë i lumtur që arrita të mposht konkurrencën në 1000 metra në Kupën Botërore të notit dimëror në ujërat e ngrira të Detit Baltik”, shkroi Cankov në rrjetet sociale.

Në kampionat, të organizuar nga IWSA, morën pjesë 273 notues nga 19 vende.

Redaktoi: Miglena Ivanova

Përgatiti në shqip: Svetllana Dimitrova