Bullgaria nënshkroi një deklaratë për sovranitetin e Grenlandës dhe Danimarkës

Shtetet dhe grupet politike në Asamblenë Parlamentare të Këshillit të Europës shprehën mbështetje të fuqishme për një deklaratë që thekson se “Grenlanda i përket vetëm popullit grenlandez dhe çdo vendim që lidhet me Grenlandën dhe Mbretërinë e Danimarkës mund të merret vetëm prej tyre”. Ndër nënshkruesit e dokumentit është edhe kryetarja e delegacionit bullgar në APKE, Denica Saçeva, njofton BGNES.

Mbështetja e gjerë për deklaratën do të thotë se çështja do të diskutohet më 29 janar në Asamblenë Parlamentare të Këshillit të Europës, me synimin për të miratuar një rezolutë të përbashkët në mbështetje të Grenlandës dhe Danimarkës.

 

Redaktoi: Miglena Ivanova

Përgatiti në shqip: Vesella Mançeva