Parashikimi i motit për 30 janarin

Gjatë 24 orëve të ardhshme, do të mbizotërojë mot me vranësira dhe shira - të konsiderueshëm në disa vende në gjysmën juglindore të vendit. Nuk do të bjerë shi në rajonet veriperëndimore. Do të fryjë një ajër i ftohtë me një erë të moderuar deri të fortë dhe të fryrë veri-veriperëndimore në Bullgarinë Lindore. Temperaturat do të ulen dhe deri në mbrëmje në disa vende në Dobruxha dhe Lludogorie shiu do të përzihet me borë. Temperaturat minimale do të jenë kryesisht midis 1° dhe 6°, dhe maksimalet në shumicën e vendeve midis 4° dhe 9°. Për Sofjen, temperatura minimale pritet të jetë rreth 1°, dhe maksimalja do të jetë 4°. 

Në male, moti do të jetë me vranësira me reshje bore, të cilat do të ndalen pas mesditës nga perëndimi. Një erë e dobët, mesatare deri e fortë do të fryjë nga veriperëndimi në pjesën lindore të malit Stara Pllanina, ndërsa në majat e larta në masivet e Bullgarisë Jugperëndimore do të orientohet nga veri-verilindja. Temperatura maksimale në lartësinë 1200 m do të jetë rreth 2°, në 2000 metra – rreth minus 3°. 

Përgjatë bregdetit të Detit të Zi moti do të jetë me vranësira dhe shira, në disa vende të konsiderueshme në sasi. Ato do të ndalen në mbrëmje, më së voni përgjatë bregdetit verior. Do të fryjë erë e moderuar dhe e fortë veriperëndimore. Temperaturat maksimale do të jenë 9°-10°, temperatura e ujit të detit është 6°-8°. Dallgëzim i detit do të jetë 2-3 ballë.

 

 

Redaktoi: Diana Cankova

Përgatiti në shqip: Vesella Mançeva