Ndryshime lehtësojnë zhvillimin e burimeve të rinovueshme të energjisë

Këshilli Kombëtar për Rregullimin e Energjetikës (KEVR) miratoi në mënyrë përfundimtare ndryshimet në Rregulloren për tregtinë me energji elektrike. Ato janë pjesë e angazhimeve të Bullgarisë sipas Planit të Rikuperimit dhe synojnë të përfundojnë procedurën e nisur kundër vendit për mos-transpozimin e Direktivës Evropiane për promovimin e përdorimit të energjisë nga burimet e rinovueshme.

Ndryshimet krijojnë parakushtet ligjore për zhvillimin e shpejtë të komuniteteve energjetike qytetare dhe komuniteteve të energjisë së rinovueshme në territorin e vendit, dhe nxisin klientët përfundimtarë dhe të tjerë të ndërtojnë kapacitete prodhuese për përdorim të tyre vetjak. Në këtë mënyrë, ulet kostoja teknologjike për operatorët e rrjeteve të shpërndarjes së energjisë elektrike, e lidhur me transportin e energjisë, si dhe sigurohen shpenzime më të parashikueshme për energji dhe çmime më të ulëta për shërbimet rrjetore.

Redaktoi: Miglena Ivanov

Përgatiti në shqip: Svetllana Dimitrova