Dimitër Kisimov është në finalen e çifteve për juniorë në Australian Open

Talenti i ri bullgar i tenisit Dimitër Kisimov u kualifikua për finalen e çifteve për juniorë në Kampionatin e Hapur të Australisë. Bullgari 17‑vjeçar dhe Connor Doig (Republika e Afrikës së Jugut) fituan në gjysmëfinalen kundër Mark Sebben (Britania e Madhe) dhe Kirill Fillaretov (Rusia) me 6:3, 4:6, 10‑6. Ndeshja zgjati 72 minuta.

Në betejën për trofeun në Australi, Dimitër Kisimov dhe Connor Doig do të përballen me përfaqësuesit e vendasve, Ymerali Ibraimi dhe Cooper Kose.

Për talentin bullgar, pjesëmarrja në Melburn është debutimi i tij në turnetë e Grand Slam-it për juniorë. Në singëll ai u eliminua në raundin e parë në Australi.

Aktualisht, Kisimov mban vendin e 25‑të në renditjen botërore për juniorë. Në fund të vitit të kaluar, bullgari arriti finalen në singëll në turneun në fushë me dhe në Bradenton (SHBA) – një nga garat më të forta për juniorë dhe vajza të kategorisë J300 të Federatës Ndërkombëtare të Tenisit (ITF).

 

Redaktoi: Miglena Ivanova

Përgatiti në shqip: Vesella Mançeva