Sondazhi i parë për gaz në ujërat bullgare të Detit të Zi rezultoi “i thatë”

Sondazhi i parë në bllokun “Han Asparuh” në Detin e Zi – “Vineh‑1”, nuk zbuloi sasi të rëndësishme të gazit natyror, raporton Offshore‑energy. Botimi i specializuar i referohet kompanive OMV Petrom (një kompani austriako‑rumune) dhe NewMed Energy Balkan (një kompani izraelite). Të dyja kompanitë punojnë së bashku në bllokun që është pjesë e zonës ekskluzive ekonomike të Bullgarisë. Në fund të janarit, partner i tyre u bë edhe Holdingu Energjetik Bullgar, i cili fitoi 10% të projektit. 

“Vineh‑1” ndodhet rreth 200 km në lindje të Varnës. Anija e shpimit Globetrotter I ka arritur një thellësi prej 3230 metrash nën nivelin e detit. Në formacionet gjeologjike janë gjetur tregues “të parëndësishëm” për gaz, çka e klasifikon sondazhin si “të thatë”. 

Sondazhi i dytë në bllok do të kryhet në zonën “Krum” dhe pritet të nisë në javët e ardhshme, me një kohëzgjatje të parashikuar prej rreth 2 muajsh.

 

 

Redaktoi: Ivo Ivanov

Përgatiti në shqip: Vesella Mançeva