Parashikimi i motit për 6 shkurtin

Të premten temperaturat minimale do të jenë nga minus 2 deri në 0° në Bullgarinë Veriperëndimore, dhe deri në 5–7° në rajonet juglindore të vendit. Për Sofjen priten rreth 1°. Në Fushën e Danubit dhe në Ultësirën e Trakisë së Epërme do të ketë vranësira të ulëta shtresore. Në Bullgarinë Jugperëndimore moti do të jetë deri kryesisht me diell, por pasdite vranësirat do të shtohen dhe do të dendësohen, dhe nga perëndimi do të fillojnë reshje shiu. Në rajonet veriperëndimore mbeten kushtet për ngrica. Moti do të jetë pothuajse i qetë. Temperaturat maksimale do të lëvizin gjerësisht: nga 3–5° në Bullgarinë Veriperëndimore, ku do të mbetet me vranësira, deri në 13–15° në zonat më jugperëndimore dhe juglindore. Në kryeqytet priten rreth 9°. 

Në bregdetin e Detit të Zi moti do të jetë me vranësira dhe me reshje të dobëta. Temperaturat maksimale të ajrit do të jenë 9–11°. Temperatura e ujit të detit është 5–7°. Dallgëzimi i detit do të jetë 2–3 ballë. 

Në male moti do të jetë kryesisht me vranësira, me ndërprerje të përkohshme mbi masivet e Bullgarisë Perëndimore, por pasdite vranësirat sërish do të shtohen dhe do të dendësohen dhe do të ketë reshje shiu, ndërsa mbi 1700 metra – borë. Do të fryjë erë mesatare, në pjesën lindore të malit Stara Pllanina, Stranxha dhe Sakar – deri e fortë nga jugperëndimi. Temperatura maksimale në 1200 m lartësi do të jetë rreth 6°, ndërsa në 2000 m – rreth 1°. 

Të shtunën moti do të jetë kryesisht me vranësira, por pa reshje të rëndësishme. Era do të kthehet nga veriperëndimi, e dobët deri mesatare. Temperaturat minimale do të jenë 1–6°, ndërsa ato maksimale 10–15°, sërish më të ulëta në Bullgarinë Veriperëndimore.

 

 

Redaktoi: Ivo Ivanov

Përgatiti në shqip: Vesella Mançeva