PP-DB i kërkon presidentes veto mbi Kodin Zgjedhor

“Kufizimi deri në 20 seksione zgjedhore në përfaqësitë konsullore dhe diplomatike në vendet jashtë Bashkimit Evropian është i pabazuar dhe shkel frymën e Kushtetutës. I bëjmë thirrje presidentes Ilijana Jotova të vendosë veto.” Këtë e deklaroi bashkëkryetarja e grupit parlamentar të “Po e vazhdojmë ndryshimin – Bullgaria Demokratike”, Nadezhda Jordanova, në korridoret e parlamentit. Sipas saj, ndryshimet do të pengojnë qytetarët bullgarë jashtë territorit të BE-së të ushtrojnë të drejtën e tyre të votës. Sipas saj, kjo është në kundërshtim me Kushtetutën, e cila përcakton se bullgarët kanë të drejtë të barabartë për të votuar.

Nga partia “Vëzrazhdane” (me iniciativën e të cilëve është kufizimi i seksioneve zgjedhore) po kryejnë një porosi politike dhe shërbejnë interesave të GERB-it dhe “DPS – Fillimi i Ri”, komentoi Jordan Ivanov nga PP-DB.

Ndërkohë, deputetët zgjatën orarin e punës deri në miratimin e ndryshimeve në Kodin Zgjedhor, pjesë e të cilave janë edhe dispozitat në fjalë.

• Deri në 20 seksione në vendet jashtë BE-së

 

• Më pak seksione dhe më shumë pengesa për votën e bullgarëve jashtë vendit

Redaktoi: Diana Cankova

Përgatiti në shqip: Svetllana Dimitrova