Stenda bullgare u shpall më e bukura në EMITT 2026 në Stamboll

Ekspozita e 29-të Ndërkombëtare e Turizmit - Panairi i Turizmit dhe Pushimeve EMITT 2026 (East Mediterranean International Tourism & Travel), e cila përfundoi të shtunën në Stamboll, tregoi interes të shtuar për 16 kompanitë dhe bashkitë bullgare pjesëmarrëse në ekspozitë. Forumi është bursa më e madhe turistike për Mesdheun Lindor, Ballkanin dhe Lindjen e Mesme. Eventi u vizitua nga gati 30 000 njerëz.

Sipas gazetarit turk Ismail Shahin, specialist në degën e turizmit, Bullgaria ka tërhequr interesin më të madh midis vendeve të Shengenit që marrin pjesë në ekspozitë. Stenda bullgare, e organizuar nga Ministria e Turizmit, mori çmimin për stendën më të bukur në ekspozitë, midis 78 vendeve pjesëmarrëse.

 

Redaktoi: Ivo Ivanov

Përgatiti në shqip: Vesella Mançeva