Importi i punëtorëve në Bullgari nga vendet jashtë BE‑së ul pagat

Detyra e parë e pushtetit të ri ekzekutiv do të jetë buxheti për vitin 2026, dhe e dyta – buxheti për 2027, sepse shumë gjasa është që të dy të duhet të përgatiten njëkohësisht. Këtë e deklaroi në një intervistë për BGNES Ljubosllav Kostov, kryeekonomist i Konfederatës së Sindikatave të Pavarura në Bullgari (KNSB). Ai vuri në dukje se problemi në Bullgari është pjesa e investimeve në rritjen e PBB‑së. Para 20 vitesh ka qenë 18%, para 10 vitesh – 10%, dhe tani është më pak se 5%.

“Rreth 2.5 miliardë euro hyjnë në buxhet nga tatimi mbi fitimin e kompanive. Nëse ky tatim është 10%, kjo do të thotë se biznesi bullgar fiton 25 miliardë euro në vit. Nga këto, si investime ndahen më pak se 1/20”, thotë Kostov. 

Kur biznesi fillon të importojë punëtorë të pakualifikuar nga Pakistani dhe India, të cilët janë më të dobët se bullgarët në çdo aspekt, përveç pagës që pranojnë – 200–300 dollarë – dhe flenë në konvikte, ky është një nga problemet afatgjata që do të ulë artificialisht çmimin e punës në Bullgari, thekson më tej sindikalisti.

 

Redaktoi: Ivo Ivanov

Përgatiti në shqip: Vesella Mançeva