Presidentja: Kryeministri teknik do të bëhet i qartë në ditët në vijim

“Ditët në vijim do të bëhet i qartë kryeministri teknik.” Këtë e deklaroi presidentja Ilijana Jotova në takimin e fundit me forcat parlamentare – me partinë “Veliçie” – në kuadër të konsultimeve për zgjedhjen e kryeministrit teknik. “Të gjithë ne udhëhiqemi nga dëshira që shteti të mos ndalojë së funksionuari, të përpiqemi të zgjidhim problemet më urgjente të qytetarëve bullgarë, si në ditët e mbetura të qeverisë në dorëheqje, ashtu edhe gjatë kabinetit teknik”, tha presidentja. 

“Unë besoj në zgjedhjen tuaj dhe besoj se ju do të bëni më të mirën për popullin bullgar, sepse nga këtu e tutje pasojnë procese të pakthyeshme. Kur njerëzit humbasin besimin në shtet, ne nuk mund ta rikthejmë atë. Jemi gati të punojmë së bashku me ju për të arritur transparencë dhe drejtësi”, tha Ivelin Mihajllov, lider i “Veliçie”. 

Pas konsultimeve të zhvilluara, pritet që presidentja të caktojë kryeministrin teknik, i cili do të propozojë qeverinë teknike.

 

Redaktoi: Miglena Ivanova

Përgatiti në shqip: Vesella Mançeva