Sondazh i “Mjara”: 5 parti hyjnë në parlament, dy janë në prag

Dy muaj para zgjedhjeve, një sondazh i agjencisë sociologjike “Mjara” tregon se në parlamentin e ardhshëm do të hynin pesë formacione politike, ndërsa dy të tjera janë pranë pragut prej 4 për qind.

Anketa është zhvilluar në periudhën 9–15 shkurt me 812 qytetarë bullgarë të rritur. Sipas të dhënave, në vend të parë renditet formacioni rreth Rumen Radevit, i cili do të fitonte 33.3% të votave. GERB‑SDS deklaron mbështetje prej 18.9%, PP‑DB – 12.7%, DPS‑Fillimi i Ri – 10.7%, ndërsa “Vëzraxhane” – 6.8%. MEÇ dhe BSP janë pranë hyrjes në parlament, përkatësisht me 3.9% dhe 3.7% të votave.

Jashtë parlamentit do të mbeten “Veliçie”, “Ka një popull të tillë” (ITN) dhe APS.

Sociologët parashikojnë pjesëmarrje të lartë në votime – mbi 50%, që do të thotë se më shumë se 3 milionë bullgarë do të shkojnë në qendrat e votimit.

Sondazhi është porositur, zhvilluar dhe financuar nga agjencia “Mjara” mes 812 të rriturve në periudhën 9–15 shkurt.

 

Redaktoi: Miglena Ivanova

Përgatiti në shqip: Vesella Mançeva