Eksporti i verës bullgare bie, por të ardhurat rriten

Eksporti i verës bullgare ka rënë gjatë viteve të fundit, por të ardhurat nga eksporti janë rritur një herë e gjysmë, gjë që tregon se prodhuesit vendas e shesin produktin e tyre me çmime më të larta. Këtë e deklaroi drejtori ekzekutiv i Agjencisë së Vreshtarisë dhe Verës, Krasimir Koev, në Plovdiv, ku sot u hap panairi ndërkombëtar i specializuar “Vinarija”, njofton korrespondentja jonë Kremena Daneva.

Në vend funksionojnë 365 kantina vere. Sipas statistikave, ato kanë përpunuar dhe prodhuar rreth 64 milionë litra nga vjelja e vitit 2025. Një tendencë pozitive është se gjithnjë e më shumë të rinj zgjedhin këtë sektor për zhvillimin e tyre profesional – 77% e të punësuarve në sektorin e verës janë nën 50 vjeç, theksoi Kojev.

Në mbi 150 prej kantinave ka pjesëmarrje të huaj, gjë që tregon për interes të shtuar nga investitorët.

 

Lexoni më shumë në arkivin e Radio Bullgarisë:

• Rendimente më të ulëta të rrushit, por interes në rritje ndaj sektorit të verës në Bullgari  
  
• Nga vreshti në shishe – “Mavrudi” legjendar si pjesë e kartëvizitës së Bullgarisë  
  
• Vera nga Brestovica në kontekstin e tregtisë bullgare dhe botërore në sektor

 

Redaktoi: Miglena Ivanova

Përgatiti në shqip: Vesella Mançeva