Administrata shtetërore hoqi ndërmjetësin dhe “Lukoil Burgas” është me fitim

Heqja dorë nga nafta ruse nuk ka ndikuar në çmimin e karburanteve të prodhuara nga rafineria në Burgas, siguroi para komisionit parlamentar të ekonomisë administratori i posaçëm i emëruar nga shteti, Rumen Specov. Shoqëria tashmë funksionon tërësisht mbi parime tregu. Kapacitetet janë të shfrytëzuara në 86%. Është hequr ndërmjetësi Litasco. Kjo mundëson negocimin e çmimeve të mira për blerjen e naftës, shitjen e karburanteve dhe tashmë ka fitim për muajin janar. 

Specov raportoi se ndryshimi i llojit të naftës së importuar mund të çojë në konsumim më të shpejtë të pajisjeve. Rafineria është ndërtuar për llojin rus “Urals” dhe, nëse do të ishte e mundur, do të kthehej te ky lloj. 

Ai kujtoi se kompania është nën monitorim të vazhdueshëm nga SHBA, kontrollohet çdo transaksion dhe hodhi poshtë dyshimet se në rafineri hyn naftë ruse në kundërshtim me sanksionet, njofton BTA.

 

 

Redaktoi: Ivo Ivanov

Përgatiti në shqip: Vesella Mançeva