Aeroplanë ushtarakë transportues të SHBA presin urdhra në Aeroportin e Sofjes

Fotografi në Facebook tregojnë se në Aeroportin e Sofjes janë dislokuar disa aeroplanë ushtarakë amerikanë. Ish‑zëvendësministri i Jashtëm Milen Keremedçiev shkroi në “Facebook”: “Aktualisht në aeroport ka 7 aeroplanë-cisternë amerikanë për furnizim të avionëve luftarakë në ajër, 3 transportues C‑17 dhe C‑130, si edhe disa Boeing 747 për transport të ushtarëve. Të gjithë janë në rrugë për në Iran. Me sa duket atje shumë shpejt do të bëhet shumë nxehtë.”

Shtetet e Bashkuara kanë përqendruar në rajonin e Lindjes së Mesme forca për kryerjen e sulmeve ajrore kundër Iranit që gjatë fundjavës së ardhshme. Këtë e raportuan mediat amerikane, duke iu referuar burimeve zyrtare nga Shtëpia e Bardhë dhe Pentagoni. Sipas CNN, Pentagoni ka informuar Shtëpinë e Bardhë se ushtria amerikane do të jetë gati të zhvillojë një operacion ushtarak gjatë ditëve të pushimit, njofton BTA.

 

 

Redaktoi: Ivo Ivanov

Përgatiti në shqip: Vesella Mançeva