GERB: Të gjitha administratat e reja rajonale janë nga PP‑DB

Qeveria teknike e kryeministrit Andrej Gjurov zëvendësoi të gjithë 28 prefektët e vendit, duke liruar mbajtësit e deritanishëm të postit.

Shumica e prefektëve të rinj kanë përvojë në këtë detyrë, ose si zëvendësprefektë në qeveritë me pjesëmarrjen e “Po e Vazhdojmë Ndryshimin – Bullgaria Demokratike” (PP‑DB) deri në vitin 2025. 

“Është tashmë e sigurt se zgjedhjet nuk do të jenë të ndershme.” Këtë e shkroi në rrjetet sociale Nikolla Nikollov, përgjegjës për komunikimet publike në partinë GERB. Ai thekson se të gjithë prefektët e rinj janë anëtarë të partive të koalicionit PP‑DB. 

Para kryetarëve të bashkive të GERB në rajonin e Stara Zagorës, lideri i partisë Bojko Borisov gjithashtu deklaroi se qeveria teknike është e PP‑DB dhe se zgjedhjet nuk do të jenë të ndershme. 

Më 24 shkurt 2026 Komisioni Qendror të Zgjedhjeve (KQZ) fillon të pranojë dokumentet për regjistrimin e partive dhe koalicioneve për pjesëmarrje në zgjedhjet e parakohshme parlamentare, të caktuara për 19 prill 2026. Pranimi do të vazhdojë deri më 4 mars.

 

Redaktoi: Ivo Ivanov

Përgatiti në shqip: Vesella Mançeva