Me kërkesë të Izraelit janë zhvilluar konsultime mes diplomatëve të parë

Me iniciativë të Ministrit të Jashtëm të Shtetit të Izraelit, Gideon Sa’ar, më 24 shkurt është zhvilluar një bisedë telefonike me Ministren teknike të Jashtme, Nadezhda Nejnski, njoftoi Ministria e Punëve të Jashtme në Sofje. 

Të dy kanë diskutuar marrëdhëniet dypalëshe në fushën e ekonomisë dhe teknologjive të larta. Është bërë gjithashtu një shqyrtim i situatës së sigurisë në Lindjen e Mesme. Ministri Sa’ar ka përshëndetur politikën aktive të Bullgarisë për angazhimin në përpjekjet e drejtuara paqes në pikat konfliktuale të rajonit, përfshirë edhe në kuadër të Planit për paqësimin dhe rindërtimin e Gazës. 

Ministri Sa’ar ka uruar ministren Nejnski për marrjen sërish të detyrës si ministre e jashtme dhe i ka adresuar një ftesë që ajo të vizitojë Izraelin në një të ardhme të afërt.

 

Redaktoi: Ivo Ivanov

Përgatiti në shqip: Vesella Mançeva