Një ndërmjetës zviceran i “Lukoil” në Bullgari kërkon arbitrazh ndërkombëtar

Nuk ka arsye për shqetësim lidhur me furnizimin me karburante në tregun bullgar dhe çmimet e tyre, theksohet në faqen zyrtare të "Lukoil Bulgaria". Shoqëritë e "Lukoil" në Bullgari vazhdojnë punën në regjim normal nën drejtimin e përfaqësuesit të posaçëm tregtar të emëruar, Rumen Specov, thuhet në njoftim. 

Deklarata vjen pasi kompania "Litasco", e regjistruar në Zvicër, anëtare e grupit "Lukoil" dhe aksionere në "Lukoil Neftohim Burgas" dhe "Lukoil Bulgaria", njoftoi se më 19 shkurt i ka dërguar autoriteteve bullgare një njoftim për të kërkuar arbitrazh ndërkombëtar për zgjidhjen e mosmarrëveshjeve investuese.

Në nëntor, për shkak të sanksioneve ndërkombëtare të vendosura nga SHBA dhe BE, parlamenti bullgar vendosi administrim të jashtëm në shoqëritë bullgare të "Lukoil". Disa ditë më vonë, "Lukoil" deklaroi se rezervon të drejtën të kërkojë mbrojtje gjyqësore për të drejtat dhe interesat e saj të ligjshme në Bullgari.

 

Redaktoi: Ivo Ivanov

Përgatiti në shqip: Vesella Mançeva