Dhjetëra milionë euro të humbura për Centralin Atomik “Kozlloduj”

Dhjetëra milionë euro janë humbjet për Centralin Atomik “Kozlloduj”. Arsyeja për këtë janë zgjidhjet teknike të pasuksesshme gjatë riparimeve të njësive të centralit. Kjo u njoftua nga Ministri në detyrë i Energjisë Trajço Trajkov. Problemet e centralit tonë të vetëm bërthamor lindën pas zëvendësimit të një pajisjeje membranore mbrojtëse të një ndarësi të mbingrohësit me avull të turbinës së njësisë 6 me një membranë të prodhuar në Bullgari, e cila nuk është një pjesë origjinale nga prodhuesi rus i teknologjisë. Kjo çoi në një seri "riparimesh të riparimeve" dhe mbylljen e njësisë. 

"Po, është e vërtetë që furnizimi i pjesëve duhet të jetë në përputhje me regjimin e sanksioneve kundër Rusisë", tha Trajkov. Sipas tij, megjithatë, ishte e mundur të ndërmerreshin hapa në mënyrë që ky problem të kapërcehej dhe të mund të përdoreshin pjesët origjinale. "Ai që e lejoi këtë të ndodhte do të marrë përgjegjësi", siguroi Trajkov.

 

Redaktoi: Miglena Ivanova

Përgatiti në shqip: Vesella Mançeva