Rreziku kryesor është lufta në Ukrainë, mendojnë në Ministrinë e Mbrojtjes

Ushtarakët bullgarë konsiderojnë se rreziku për Bullgarinë vjen nga lufta në Ukrainë, dhe jo nga ajo në Iran. Këtë e deklaroi zëvendësministri i mbrojtjes, Jordan Bozhillov, për “Nova Televizija”.

“Sidoqoftë, rreziku kryesor për Evropën është lufta që Rusia po zhvillon kundër Ukrainës. Për këtë arsye, në territorin e vendeve të krahut lindor të NATO-s, përfshirë Bullgarinë, janë vendosur forca të aleancës. Në Bullgari ka një strukturë të udhëhequr nga Italia dhe po zbatohen masa për rritjen e vigjilencës”, tha Bozhillov.

Ai komentoi shqetësimet se prania ushtarake e avionëve transportues amerikanë mund ta kthejë Aeroportin e Sofjes në një objektiv të mundshëm ushtarak. “Shërbimet e sigurisë deklaruan qartë se nuk ka informacion për rrezik të shtuar. Aeroporti funksionon normalisht. Informata se është mbyllur për qëllime ushtarake nuk është e vërtetë. Mbyllja lidhej me punime riparimi”, tha zëvendësministri i mbrojtjes.

 

Redaktoi: Ivo Ivanov

Përgatiti në shqip: Vesella Mançeva