Parashikimi i motit për 4 marsin

Të mërkurën, temperaturat minimale do të jenë midis minus 2 dhe 3°. Për Sofjen, pritet të jetë 1° në mëngjes. Gjatë ditës do të mbizotërojë mot me diell. Para mesditës, do të ketë ende mjegull në disa vende të caktuara në fusha dhe ultësira. Pas mesditës, mbi Bullgarinë Perëndimore do të rriten vranësirat e larta dhe mesatare. Do të jetë pothuajse e qetë. Temperaturat maksimale do të jenë nga 11 deri në 16°, në bregdetin e Detit të Zi - midis 7 dhe 10°. Në kryeqytet, do të jetë rreth 14°.

Përgjatë bregdetit të Detit të Zi do të jetë kryesisht me diell. Në mëngjes, në disa vende të caktuara do të ketë mjegull. Do të fryjë erë e lehtë deri në mesatare nga lindja-juglindja. Temperaturat maksimale do të jenë nga 7 deri në 10°. Uji i detit është nga 4 deri në 7°. Dallgëzimi i  detit do të jetë rreth 1-2 ballë.

Në male, pjesa më e madhe e ditës do të jetë me diell. Pas mesditës, mbi masivet e Bullgarisë Perëndimore do të shtohen vranësirat e larta dhe mesatare. Do të fryjë erë e dobët deri në mesatare nga perëndimi-jugperëndimi. Temperatura maksimale në 1200 m mbi nivelin e detit do të jetë rreth 8°, në 2000 m do të jetë deri në 4°.

Të enjten, një çrregullim atmosferik do të kalojë nëpër vend. Gjatë natës deri të enjten, vranësirat do të shtohen dhe të enjten në disa vende në Bullgarinë Perëndimore dhe Qendrore do të ketë shi, në malet mbi 1800-1900 m - borë. Do të fryjë erë e dobët deri në mesatare veriperëndimore. Temperaturat minimale do të jenë midis 0° dhe 5°, dhe maksimalet - midis 11° dhe 16°, më të ulëta në fushat e larta në Bullgarinë Perëndimore.

 

Redaktoi: Ivo Ivanov

Përgatiti në shqip: Vesella Mançeva