Furnizimet nga Azerbajxhani ruajnë stabilitetin në tregun bullgar të gazit

Pothuajse 40 për qind e konsumit të gazit natyror të Bullgarisë mbulohet nga Azerbajxhani sipas një kontrate afatgjatë 25-vjeçare, tha Ministri në detyrë i Energjisë Trajço Trajkov në Takimin e XII Ministror të Këshillit Konsultativ të Korridorit Jugor të Gazit në Baku.

Forumi u hap nga Presidenti i Azerbajxhanit Ilham Aliyev dhe Komisioneri Evropian për Energjinë Dan Jorgensen. Në takim marrin pjesë 27 vende, institucione financiare ndërkombëtare dhe kompani energjetike, njoftoi Ministria e Energjisë.

Në kushtet e tregjeve të paqëndrueshme, gazi azerbajxhanas ka një rol stabilizues për ekonominë bullgare, furnizimet janë të pandërprera dhe kufizojnë ndikimin e luhatjeve të çmimeve, tha Trajkov. Ai theksoi se me lidhjen e re të gazit me Greqinë nga viti 2022, Bullgaria është pjesë e Korridorit Jugor të Gazit, duke lidhur rajonin e Kaspikut me tregjet evropiane.

 

 

Redaktoi: Ivo Ivanov

Përgatiti në shqip: Vesella Mançeva